Mál sem ekki hefur farið ýkja hátt var samþykkt á Alþingi á síðasta starfsdegi þess. Hér er um að ræða frumvarp sem lýtur að því er vörsluskattar eru ekki greiddir. Hingað til hafa gilt um þetta lög sem hafa reynst ótrúlega fantaleg og leitt yfir fólk alveg dæmalaust óréttlæti. Núna hefur Alþingi hins vegar lögleitt breytingar sem afnema óréttlætið og skapa sanngjarnari málsmeðferð og á allan hátt mannlegri.

Hér er verið að ræða um svo kallað vörsluskattafrumvarp, sem ég var upphaflega fyrsti flutningsmaður að. Aldrei hef ég flutt þingmál sem hefur kallað fram jafn mikil og jákvæð viðbrögð. Það var sannarlega hvetjandi. Ég veit þess vegna að það er rétt sem ég sagði á dögunum á Alþingi, að með samþþykkt þessa frumvarps héldu margir gleðileg jól, sem ella hefðu kviðið hátíð árs og friðar. Þetta er mál sem við getum verið stoltir af þingmenn.

Lesa meira

Sjávarútvegur er nú í vaxandi mæli þekkingargrein. Sjávarútvegurinn er framtíðaratvinnuvegur sem hentar ungu fólki með margvíslegan bakgrunn. Þessari staðreynd eigum við halda á lofti og vekja á henni athygli með öllum tiltækum ráðumStjórnvöld hafa komið að þessari þróun með þeim hætti sem skynsamlegt er. Forveri minn, Árni M. Mathiesen beitti sér fyrir sérstökum sjóði, sem fær fjármagn af fjárlögum til þess að stuðla að auknu verðmæti sjávarfangs. Svo kallaður AVS sjóður. Hann hefur nú starfað í þrjú ár og gert gríðarlega mikið gagn. Í gær kynnti ég afraksturinn á vel sóttum kynningar og blaðamannafundi. Þar kom meðal annars fram að við höfum varið ríflega 400 milljónum til nýsköpunar og þróunarverkefna á fjórum meginsviðum. Krafa er gerð til styrkþega að þeir komi að minnsta með aðra eins upphæð á móti. Þetta þýðir að þessi sjóður hefur búið til veltu í rannsóknar og þróunartengdum verkum í þágu sjávarútvegs sem nemur að minnsta kosti 1 milljarði króna. Þetta skiptir miklu máli.

Um þessi mál er fjallað í pistlinum hér á eftir

Lesa meira

Full ástæða er til að binda góðar vonir við tvær ákvarðanir sem ég kynnti á blaðamannafundi ásamt fulltrúum Sjávarútvegsráðuneytis og Hafrannsóknarstofnunar. Og hverjar eru þessar ákvarðanir ? Um er að ræða annars vegar hækkun fjármagns sem veitt er Hafrannsóknrstofnuninni til rannsóknarverkefna. Slíkt  er jákvætt og endurspeglar vilja mjög margra. Stofnuninni hefur verið sniðinn of þröngur stakkur og úthaldstími skipanna verið of lítill. Þá hefur það gerst að við höfum eignast vísindamenn sem geta leitað svara við spurningum er lúta að hafrannsóknum. Sumir þeirra starfa utan Hafrannsóknarstofnunar. Það er gott að veita þeim tækifæri til nýrra verkefna. Slíkt getur líka laðað að ungt fólk til hafrannsóknarverkefna og aukið í raun heildarfjármagn til hafrannsókna í landinu. Auk þess sem skynsamlegt er að við leitum svara við surningum sem víðast. Það er nútímaleg nálgun í vísindasamfélginu. Þetta voru því tvær mikilvægar ákvarðanir, sem við eigum að líta á að marki ákveðin þáttaskil og verði hafrannsóknum til framdráttar í framtíðinni.

Þetta er fjallað um í þessum pistli, þar sem kynntar eru áherslur á auknar hafrannsóknir og nýtt fyrirkomulag í tengslum við þær.

Lesa meira

Í pólitísku samhengi er fróðlegt að velta því fyrir sér hvernig  kúvending á stefnu Samfylkingarinnar í sjávarútvegsmálum sem Ingibjörg Sólrún kunngerði á aðalfundi LÍÚ, sl. föstudag, muni leggjast í þá talsmenn flokksins sem mest hafa tjáð sig um sjávarútvegsmálin. Menn eins og Jóhann Ársælsson og Össur Skarphéðinsson. Alfa og omega stefnumörkunar Jóhanns Ársælssonar hefur verið sú sem Ingibjörg Sólrún er núna að hafna. Og Össur hafði nýverið skrifað hráslagalega grein gegn forvera mínum Árna M. Mathiesen sem tæpast verður túlkuð sem stuðningur við sjónarmið núverandi formanns Samfylkingarinnar. Nema hann hafi verið að nota gamalkunnuga aðferð sem hann sem gamall sósíalisti er vitaskuld gjörkunnugur; Rússarnir skömmuðu Albaníu, þegar þeir vildu atyrða Kína. Kallast þetta Albaníuaðferðin í pólitík. Var Össur Skarphéðinsson, sem hlýtur að hafa vitað af hinni fyrirhuguðu stefnubreytingu, kannski að beina orðum sínum að formanni Samfylkingarinnar, er hann skammaðist út í Árna?

Þessir þættir innanfjarðarbakkelsins úr Samfylkingunni koma örugglega skýrar í ljós á næstunni og er lesendum þessarar heimasíðu heitið því að fá að fylgjast með. Reynt verður að greina frá atburðum eftir því sem þeir skýrast

Lesa meira

Stundin á Flateyri í gær var öllum til sóma, sem að henni komu. Þetta var góð samvera, full af virðingu fyrir þeim sem létust og góðum hug þeim til handa sem misstu ástvini sína. Og síðast en ekki síst, sem Flateyringarnir lögðu áherslu á; full af þakklæti til allra þeirra sem lögðu lið, sýndu samhug í verki á þessum erfiðu tímum fyrir tíu árum.

Þannig er komist að orði í pistli sem fjallar um snjóflóðið hræðilega á Flateyri fyrir 10 árum. Þetta eru einhverjar erfiðustu stundirnar í lífi manns, þó ekkert hafa það verið í samanburði við það sem fólkið mátti reynda sem missti ástvini sína. Snjóflóðin Í Súðavík og Flateyri settu mark sitt á alla og þess vegna var óskaplega gott að geta komið saman í gær, látið hugann reika og minnst góðra vina og félaga.

Lesa meira

Landsfundur Sjálfstæðisflokksins nú um helgina var öflugur, endurspeglaði samhentan flokk og eindreginn stuðning við nýja forystu flokksins. Fundurinn var árétting á sterkri stöðu Sjálfstæðisflokksins, nú þegar Davíð Oddsson lætur af formennsku í flokknum. Kom það bæði fram í eindrægni og einhug á fundinum og í góðum samhljóm í stefnumótun flokksins. Bak þessum Landsfundi göngum við Sjálfstæðismenn því vígreifir og keikir til þeirra verkefna sem eru framundan.

En kjarni málsins er þessi. Landsfundurinn okkar tókst vel. Við göngum vígreif til frekari átaka og verkefna. Við höfum gott og gagnlegt umboð frá félögum okkar; fólki af öllu landinu, ungum sem öldnum, konum og körlum og úr öllum stéttum samfélagsins. Sá breiði hópur, Sjálfstæðismenn um land allt, hafa lagt línurnar, mótað stefnuna og stillt upp til átaka í þágu stefnumála okkar á næstunni.

Þannig er komist að orði í grein hér á heimasíðunni um Landsfund Sjálfstæðisflokksins sem lauk nú um helgina.

Lesa meira

Nú hlýt ég að byrja þennan pistil á persónulegum nótum. Það var sérlega ánægjulegt fyrir mig að það skyldi gerast á mínum fyrsta ríkisstjórnarfundi að ákvörðun var tekin um að fela Vegagerðinni að hefja nú þegar rannsóknir og athuganir sem miða að því að hægt sé að hefjast handa um jarðgangagerð undir Óshlíð ( á milli Bolungarvíkur og Hnífsdals) á árinu 2006. Betri ákvörðun gat ég ekki hugsað mér að fá að vera þátttakandi í að taka, en einmitt þessa. Og það er óhætt að fullyrða að hér er um öflugustu byggðaaðgerð sem unnt var að grípa til fyrir norðanverða Vestfirði.

Fréttirnar um að ríkisstjórnin hafi ákveðið á fundi í morgun að hafist skuli handa við jarðagangagerð í Óshlíð eru gleðifréttir. Ekki bara vestra heldur miklu víðar. Maður hefur fundið fyrir miklum stuðningi við málið. En árangurinn ber ekki síst að þakka góðum og málefnalegum undirbúningi bæjaryfirvalda auk þeirra jákvæðu undirtekta sem málið fékk hjá samgönguráðherra og stjórnvöldum.

Lesa meira

Formaður Samfylkingarinnar Ingibjörg Sólrún Gísladóttir praktiserar ekki það sem hún hefur prédikað. Hún þóttist vera boðberi samræðustjórnmálanna en hefur sýnt svo dæmalausa hlið í umræðuhefð sinni, að undrun sætir nú um allt land. Í fyrstu heldu margir að viðkomandi hefði orðið á í messunni og brátt myndi Eyjólfur hressast. En ónei. Það voru engar tilviljanir, ekki mismæli eða fljótfærni. Málatilbúnaðurinn verður ekki afsakaður með slíku; ekki lengur í það minnsta. Dylgjurnar eru hinn meðvitaði málflutningur. Kjarni málsins, aðferðafræðin sjálf. Aðdróttanirnar eru orðnar að aðalsmerki hins nýja formanns Samfylkingarinnar. Um þetta eru rakin þrjú dæmi hér í pistlinum; nýjast er auðvitað af lymskulegri tilraun til þess slæma höggi á lögregluna í landinu. Lesa meira

Það er merkilegt að núna eru vinstri menn farnir að viðra sig upp hver við annan á grundvelli þingkosninga í Noregi. Þar mörðu vinstri menn sigur, þó kratarnir þar hafi fengið sérlega vond úrslit í sögulegu samhengi. Á sama tíma og Samfylkingarmenn biðla til Vinstri grænna, birtast greinar eftir öflugasta talsmann flokksins, Össur Skarphéðinsson, þar sem hann er greinilega að undirstrika jákvæð viðhorf flokksins til frekari Evrópusamruna, aukinnar frelsisvæðingar í efnahags og atvinnumálum og yfirleitt allt það sem hann hlýtur að vita að Vinstri grænir hata.

Hvernig er hægt að taka svona málflutning alvarlega. Eða er þetta bara enn eitt dæmið um hvernig allt rekur sig á annars horn

Lesa meira

Viðbrögð stjórnarandstöðunnar við velheppnaðri einkavæðingu Símans og ráðstöfun fjárins sem fyrir hann fékkst er í senn brjóstumkennanleg og stór furðuleg. Fyrst var það Ingibjörg Sólrún sem helst viritist syrgja að útlendingar hefðu ekki komið að kaupunum á þessu mikla fyrirtæki. Og núna mynda þau Steingrímur J. Sigfússon formaður VInstri Grænna og Ingibjörg Sólrún Gísladóttir formaður Samfylkingarinnar talkór og segja skýrri röddu, bæði ein og sér og saman: Þetta gengur ekki. Það gengur ekki að ráðstafa peningunum svona fram í tímann. Það er hið sama og að taka völdin af stjórnmálamönnum framtíðarinnar.

Þetta er fróðlegt spjall en furðulegt. Má ætla að stjórnarndstöðuforingjar séu á móti langtímahugsun? Þekkja þau ekki að við samþykkjum viðurhlutamiklar framkvæmdaáætlanir á Alþingi, eins og Samgönguáætlun til margra ára í senn? Ber þá kannski að skilja það svo að ríkisstjórnin eigi ekki að setja fram neinar tillögur um ráðstöfun fjármagnsins, að mati stjórnarandstöðunnar? Þetta og margt fleira er fjallað um í pistlinum í dag.

Lesa meira

Enginn getur skellt skollaeyrum við þeim alvarlegu fréttum sem hafa borist af uppsögnum í sjávarútvegi upp á síðkastið. Þarna eru í húfi hagsmunir margra og staða heilla byggðarlaga. Við verðum að bregðast við.

Stjórnvöld hafa skyldur og geta komið að ýmsum málum. Hér á eftir eru nefndir all margir þættir í því sambandi. Lang þyngst vegur einfaldlega hið almenna rekstrarumhverfi sem er hreinlega fjandsamlegt sjávarútveginum. Hin sterka staða krónunnar er aðal meinvarpið. Á því verðum við að taka.

Sjálfur hef ég lagt til leiðir í því sambandi. Það þýðir nefnilega ekkert að hrópa á torgum. Menn verða að hafa hugmyndir og afl til þess að benda á leiðir. Hættan er nefnilega sú að við séum ekki búin að sjá fyrir endann á uppsögnum í sjávarútvegi.

Lesa meira

Kosningarnar í Noregi nú í næsta mánuði verða um margt merkilegar. Þvi miður bendir flest til að vinstri flokkarnir vinni. Áhrifanna mun gæta í innanlandsmálum, en síður í utanríkismálum. Ef við lítum á ESB aðild er ljóst að hvernig sem úrslit verða, munu Norðmenn ekki sækja um ESB aðild. Skoðanir flokkanna í þeim málum ganga nefnilega þvert á meginlínur norskra stjórnmála. Jafnt innan borgaraflokkanna og vinstri flokkanna er gróin andstaða við aðild að ESB. Þeir hafa líka tvisvar farið á rassinum út úr þjóðaratkvæðagreiðslum í þessum málum og munu því hika við að gera fleiri tilraunir. Hér á landi er hins vegar eilíflega reynt að ljúga því að okkur að Norðmenn hyggi á ESB aðild. Kosningarnar í næsta mánuði munu vonandi hreinsla andrúmsloftið að þessu leyti og losa okkur undan lygaáróðrinum. Lesa meira

Málið fékk góðar viðtökur. Alþingi samþykkti tillöguna samhljóða. Þáverandi forsætisráðherra Davíð Oddsson sýndi málinu einlægan áhuga og stuðning, sem meðal annars kom fram í orðum hans á Alþingi. Ekki þarf að efast um góðan hug núverandi forsætisráðherra, Halldórs Ásgrímssonar. Málið fór í sérstaka nefnd sem því miður var skipuð heldur seint, en skilaði verki sínu þó fljótt. Um efni tillagna nefndarinnar skal ekki fjölyrt. Nema að því marki að gert er ráð fyrir skipun sérstaks vinnuhóps til þess að fylgja málinu eftir. Það verk er enn óunnið. Þess vegna er ástæða til þess að hvetja til þess að málinu verði lokið. Við erum í miðju hálfkláruðu verki.  Við verðum einfaldlega að ljúka þessu verkefni. Alþingi skuldbattt sig til þess að vinna að málinu. Það naut almenns stuðnings. Ráðamenn okkar eru því jákvæðir. Nú eigum við aðeins eftir að ljúka verki sem hafið er og við höfum heitið margfaldlega að koma í heila höfn.

Lesa meira

"Vel má hins vegar hugsa sér að kerfinu sé viðhaldið í einhverri mynd og ef til vill tímabundið fyrir mjög afmarkaðan hóp sem hefur hlutfallslega mikla vaxtabyrði og er með lágar tekjur. Og til þess ennfremur að koma til móts við hin upphaflegu markmið um vaxtabætur og styðja við fólk í húnsæðiskaupahugleiðingum mætti einnig hugsa sér að efna í sparnaðarreikninga, sem bundnir væru og leiddu ekki til efnahagslegrar þenslu, sem nú er að rústa fyrirtækjum og stífla nýsköpun um land allt. "

Þannig er komist að orði í grein sem ég ritaði í Morgunblaðið sl. laugardag um vaxtabótakerfið og vakið hefur talsverða athygli og kallað fram umræður. Hér er fjallað um þessi mál, í ljósi umræðna og komist að þeirri niðurstöðu að allar forsendur séu til þess að breið samstaða geti myndast um að taka á málinu til einhverrar frambúðar

Lesa meira

En stóra málið er þá þetta: Peningum fyrir símasöluna má alls ekki - og ekki undir neinum kringumstæðum -verja til reksturs, eða tilfærslna. Þær hugmyndir hafa þó heyrst og eru stórhættulegar. Efnahagslega ganga þær ekki upp; eru hrein della. Það hljómar örugglega vel að nota þetta mikla fé til þess að styrkja velferðarmálefni; málefni aldraðra, öryrkja, tekjulægri hópa og svo framvegis. En slíkt má bara alls ekki og gegn því verður að bregðast mjög hart. Með skuldalækkun ríkisins, er hins vegar hægt að skapa svigrúm, til útgjaldaauka til slíkra málaflokka og ekki síður til skattalækkana til lengri og skemmri tíma, í samræmi við getu ríkissjóðs og þann efnahagslega ramma sem við ætlum honum. Og í viðbót er hægt að verja fjármagni til skynsamlegra stofnfjárfestinga. Vegagerðar og uppbyggingu fjarskiptakerfis nú þegar og byggingar á hátæknisjúkrahúsi, þegar sá tími kemur.

Þetta er kjarni málsins þegar við ræðum um hvernig verja á því fjármagni sem við erum nú að fá vegna vel heppnaðarar einkavæðingar Símans

 

Lesa meira

Ísland hefur líka upp á svo gríðarlega margt að bjóða. Og athyglisvert er - svo enn sé vitnað í kannanir Ferðamálaráðs - að flestir óska sér fremur fábrotinnar afþreyingar. Náttúruskoðun, gönguferðir, sund og golf, svo nokkrir helstu þættirnir séu nefndir. Og þar sem það á síðan við, má bæta við áhuga margra á að fara á hestbak, eða skreppa í siglingu. Allt er þetta aðgengilegt þegar.

Þess vegna er ekkert annað eftir en að hvetja Íslendinga til dáða. Skoða landið, fara sem víðast, heimsækja ekki síst slóðir sem eru ekki endilega hinar sígildu ferðamannaleiðir. Landið er svo margbrotið og víða getur að líta náttúruperlur, eða eitthvað óvænt, sem við getum notið

Lesa meira

Samfylkingin hefur búið við pólitískar kjöraðstæður. Engu að síður mælist fylgi flokksins ekki meira en áður. Flokkurinn hefur skilað auðu í mörgum veigamiklum málum, en í öðrum er athyglisvert að hann veitir svipuð svör og Sjálfstæðisflokkurinn.

Athyglisvert er þó hvernig flokksmenn hans bregðast við gagnrýni á flokkinn. Í stað þess að svara henni, er dregin upp mynd af samfélagi okkar sem er svo víðs fjarri raunveruleikanum. Mynd af samfélagi stöðnunar og spillingar, þó við blasi öllum sem vilja sjá að þjóðfélag okkar er kröftugt og í miklum vexti.

Grein Lárusar G. Valdemarssonar bæjarfulltrúa í Ísafjarðarbæ í bb.is er einmitt gott dæmi um þetta sífur samfylkingarfólks. Grein hans átti að vera svar við pistli héðan af heimasíðunni, en var fyrst og fremst lýsandi fyrir þögnina

Lesa meira

Ísland er land mikilla tækifæra. Við sjáum einmitt þessa dagana birtast fréttir af ótrúlegum lífskjarabata. 40% aukning ráðstöfunartekna að raungildi á einum áratug er auðvitað hreint ævintrýri. Við getum horft til baka, hvert fyrir sig ein tíu ár. Setjum okkur í huganum niður árið 1995 og gerum okkur samanburðinn í hugarlund. Þetta ár er okkur ekki fjarlægt, raunar undra nálægt. En frá þessum tíma hefur gríðarlega margt breyst til batnaðar í þjóðfélaginu okakr í heild.

Við höfum nú til ráðstöfunar 40 prósent meira en þá. Þó var árið 1995 ekkert vesældarár. En við höfum bara verið að rífa okkur upp bæta verðmætum í þjóðarbúið og höfum meira til skiptanna. Við sjáum bara í neyslu fólks, bílakostinum, hjólhýsaflotanum, utanlandsferðunum og húsakynnunum, að lífskjörin hafa batnað og tiltrú fólks á framtíðinni aukist.

Lesa meira

Það fer ekkert á milli mála að ný skoðanakönnun Gallups er mikil vonbrigði fyrir Samfylkinguna. Landsfundur flokksins var haldinn með mikilli fjölmiðlaathygli í lok maí. Dagana á undan hafði kastljósið beinst mjög að flokknum. Á landsfundinum var kunngert um nýjan formann, sem fékk í kjölfarið endalaus hefðarviðtöl, sem hefðu át að nægja til jákvæðrar ímyndar fyrir flokk og formann. Pólitísk átök hafa verið með þeim hætti að vænta hefði mátt þess að stærsti stjórnmálaflokkurinn ynni á.

Með öðrum orðum. Aðstæður fyrir Samfylkinguna virtust sérlega hagfelldar. Á þeim bænum væntu menn enda mikils.

En nú liggja fyrir tvær mælingar frá Gallup. Maí könnun sem mælir fylgi flokkanna vikurnar í aðdraganda landsfundar Samfylkingarinnar og júní könnun sem mælir árangurinn fyrsta mánuðinn eftir landsfundinn og formannsskiptinn. Og mælingin er skýr. Fylgi flokksins tommast ekki. Flokkurinn er enn á sama stað á kvarðanum.

Lesa meira

Hvað veldur velsæld þjóða ? Hver er ástæða þess að við Íslendingar höfum bætt svo lífskjör okkar sem raun ber vitni ?Hvernig stendur á því að íslenskur árangur í efnahagsmálum er nefndur undur í erlendum fjölmiðlum og menn sem fjalla um íslenskt þjóðarbú, tala um þróun mála með aðdáun og tala um það sem gefinn hlut að miklir og merkilegir hlutir hafi gerst í íslensku þjóðfélagi?

Þetta eru áhugaverðar spurningar. Íslenskt þjóðfélag er í raun og veru hreint ævintýri. Við vorum fátæktarland fyrir um hundrað árum. En erum núna velsældarríki.

Á Hranfseyri 17. júní sl. flutti Sigríður Á Snævarr sendiherra ( og húsfrú að Saurbæ á Rauðasandi ) frábæra ræðu, sem vakti okkur sem á hlýddi til umhugsunar um margt sem einkennt hefur sögu okkar síðustu 150 árin eða svo

Lesa meira

Stöðugt fjölgar þeim sem vilja fara í háskólanám hér á landi. Það er gott. Háskólastarfsemi er örugglega einn af vaxtarbroddunum í atvinnulegu tilliti. Mikil áhersla hefur verið á uppbyggingu háskólanáms í landinu undanfarin ár. Háskólar eru nú á landsbyggðinni, en meginuppbyggingin er samt sem áður enn á höfuðborgarsvæðinu.

Nú er hins vegar alveg sérstakt lag. Það er skynsamlegt að leggja mesta áherslu á uppbyggingu háskólakennslu á landsbyggðinni. Það er eðlilegt að gefa þeim skólum kost á að vaxa umfram meðaltal í landinu. Þannig nýtum við innviði samfélagsins betur, við eflum háskólakennslu almennt í landinu og sérstaklega á landsbyggðinni, þar sem minni áhersla hefur verið lögð á slíkt framundir þetta og loks er þetta örugglega skjótvirk aðgerð til þess að efla stöðu landsbyggðarinnar.

Lesa meira

Hin slaka staða þorskstofnsins hér við land er mikið áhyggjuefni og í raun undrunarefni. Það liggur fyrir að okkur hefur ekkert miðað í 30 ár. Við erum að spóla í sama hjólfarinu. Þrátt fyrir mikil áform okkur um uppbyggingu erum við enn á sama stað. Þetta er náttúrulega algjörlega óviðunandi. Við spyrjum spurninga, en höfum engin ótvíræð svör.

Sumir leggja fram eina lausn á málinu. Aðrir einhverja aðra. Þetta getur vitaskuld ekki gengið. Við erum hér að ræða um mikilvægustu nytjategund okkar mikilvægustu auðlindar. Það er á hinn bóginn rétt hjá Árna M. Mathiesen sjávarútvegsráðherra að efna til skipulegrar umræðu um málin. Svarsins við hinnu áleitnu spurningu um slaka stöðu þorskstofnsins er nefnilega ekki að leita eingöngu í þröngum fræðaheimi. Þar þarf að ríkja hugmyndaleg samkeppni.

Lesa meira

Brottkast á afla er raunverulegt vandamál í íslenskum sjávarútvegi. Örugglega þó minna en við þekkjum víða annars staðar. Við getum núna mælt umfangið býsna vel og sjáum að við höfum náð árangri. Mælingar vísindamanna okkar ríma vel við skoðanakannanir á meðal sjómanna um þetta vandamál. Það er sem sé ljóst að umfang brottkastsins er minna en margir hafa haldið fram, en meira en þeir sem hafa gert minnst úr vandanum hafa sagt

Og af því við getum mælt umfangið þá getum við frekar lagt á ráðin með úrræði. Það eigum við hiklaust að gera. Við eigum að þróa áfram hagrænar aðferðir. Endalaus aukning eftirlitsiðnaðar er ekki skynsamleg á þessum sviðum fremur en öðrum.

Lesa meira

Einhverjum lengsta og harðvítugasta formannsslag í íslenskri stjórnmálasögu síðustu ára er lokið. Baráttunni um formannsstól Samfylkingarinnar lauk á landsfundi flokksins um helgina. Ingibjörg Sólrún Gísladóttir fyrrum forsætisráðherraefni flokksins bar sigurorð af Össuri Skarphéðinssyni sigursælum flokksformanni. Og má þá kannski segja að enn sannist að laun heimsins séu vanþakklæti.

Auðvitað láta menn sem ekkert sé. En þjóðin veit betur. Samfylkingin hefur logað stafna á milli í miklum átökum. Baráttan einskorðaðist ekki við formannsstólinn. Það var barist um alla forystupósta flokksins og hörð orð hafa síðan fallið. Það er ljóst að langt er í að sárin grói.

Nýkjörin formaður lagði áherslu á málefnahluta flokksins í lokaræðu sinni. Þó skilar flokkurinn auðu í stórum málaflokkum að því er skilið verður. Ekki er hirt um að álykta um stór mál. Ágreiningsefnum er vísað inn í framtíðina. Þetta eru sennilega samræðustjórnmálin í öllu sínu veldi.

Lesa meira

Heimasíðan mín er nú að verða þriggja ára. Hún hefur orðið vettvangur skoðana minna og tækifæri til þess að láta í ljósi sjónarmið mín hvenær sem er og hvernig sem mig hefur langað til. Þetta er óskaplega gaman, að vera ritstjóri eigin málgagns. Ekki síst þegar maður er gamall ritstjóri hefðbundins miðils.

En heimasíður þarf að þróa. Heimasíðan mín , www.ekg.is hefur litlum breytingum tekið á þessum tíma. Póstlisti er nýlega orðinn virkur og hefur fengið góðar móttökur. Nú er ég hins vegar að kynna nýja útgáfu heimasíðunnar. Hún byggir á þeim gamla merg sem heimasíðan hefur grundvallast á. En síðan er þróað upp nýtt fyrirkomulag, eins og nú má sjá.

Heimasíðuna mína opna ég á laugardag - laugardagur til lukku - að lokinn þingtörninni. Ég þakka starfsmönnum Hugsmiðjunnar fyrir þeirra vinnu og síðan starfsmönnum Jónsson og Lemacks, sem hönnuðu útlitið. Ég er sjálfur afar ánægður með hvernig til hefur tekist og vonandi á það við um aðra

Lesa meira

Styrjaldir vekja ætíð margvíslegar og flóknar siðferðilegar spurningar. Orsakir stríðs eru margslungnar en eru alltaf og ævinlega ofnar saman við siðferðileg álitamál. Þetta er sjálfsagt að rifja upp nú er menn minnast 60 ára stríðsloka seinni heimsstyrjaldar.

Er réttlætanlegt að taka þátt í stríði sem hefur þann yfirlýsta tilgang að yfirbuga óvin með valdi ? Svarið er já. Slíkt getur verið réttlætanlegt og raunar algjörlega óhjákvæmilegt, ef aðstæður eru þannig. Það getur kostað átök að losna við meinvætti á borð við Adolf Hitler, eða Saddam Hussein.

Lesa meira

Ber strák, sem verður ástfanginn af stelpu sem situr á Alþingi, að leggja fram fjárhagslegar upplýsingar um sjálfan sig, kjósi þau að rugla saman reytum sínum?

Svarið er já, ef eitthvað lag á að vera í reglum um fjárhagslega stöðu þingmanna og hugsanleg hagsmunatengsl.

Svarið er nei, ef menn vilja vera trúir hugmyndum um sjálfstæði einstaklinga í fjáhagslegu tilliti og einstaklingsbundinn rétt. Þeir sem að minnsta kosti vildu sérsköttun hjóna og leggja áherslu á fjárhagslegt sjálfstæði einstaklinga, hvort sem þeir eru í sambúð eður ei, svara þessari spurningu líka á sama veg.

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira

Lesa meira